SAARC සංස්කෘතික මධ්‍යස්ථානය වාර්ෂිකව සංවිධාන කරන චිත්‍රපට උළෙල මෙවරත් කොළඹදී පැවැත්වීමට සුදානම් කොට තිබෙනවා. සිනමා උළෙල මෙවර පැවැත්වෙන්නේ නමවැනි වතාවටයි. ජූලි මස 2 වැනිදා සිට 7 වැනිදා දක්වා මේ සිනමා උළෙල පැවැත්වීමට සියල්ල සුදානම්. ජූලි 2 වැනිදා උදේ සමාරම්භක උළෙල පැවැත්වීමෙන් ආරම්භ වන චිත්‍රපට උළෙලට සිනමා දර්ශනයන්ට අමතරව තවත් විශේෂාංග මෙවරත් ඇතුළත් කොට තිබෙනවා.
විශේෂයෙන්ම සිනමාකරණය පිලිබඳ වැඩමුළුවක් පැවැත්වීමට සංවිධායකයින් සුදානම්. ජූලි මස 5 වැනිදා උදේ 10.00ට මේ වැඩසටහන පැවැත්වෙනවා. පෙර ලියාපදිංචි වූවන්ට පමණයි මේ සඳහා සම්බන්ධ වීමට හැකියාව තිබෙන්නේ.
කෙටි චිත්‍රපට සහ වෘතාන්ත චිත්‍රපට යන දෙවර්ගයම සිනමා උළෙලට ඇතුල්වීම සම්පුර්ණයෙන්ම නොමිලේ. 7 වැනි ඉරිදා සවස 6.00ට සිනමා උළෙලේ සම්මාන ප්‍රධානය කිරීම සිදුවනවා. චිත්‍රපට නැරඹීමට මෙන්ම අනිකුත් විශේෂාංග සඳහාද සහභාගී වීමට ඔබ සැමට විවෘත ආරාධනයක් කෙරෙනවා.
