කොළඹ මහජන පුස්තකාලයිය ලේඛක සහ පාඨක සංසදය සංවිධාන කරනු ලබන මාසික චිත්‍රපට දැක්ම සහ සංවාද වැඩසටහනේ දෙසැම්බර් කලාපය පැවැත්වෙන බව සංවිධායකයින් දැනුම් දෙනවා. දෙසැම්බර් 20 වැනි සිකුරාදා සවස 3.00ට මහජන පුස්තකාලයේ උඩු මහලේදී මෙම වැඩසටහන පැවැත්වෙනු ඇති. මෙවර තිරගත කෙරෙන්නේ ජපාන චිත්‍රපටයක් බව සඳහන්.
හිරකොසු කොරෙයිදා අධ්‍යක්ෂණය කළ SHOPLIFTERS චිත්‍රපටය මෙවර තිරගත කෙරෙනු ඇති. චිත්‍රපට දර්ශනයෙන් අනතුරුව සංවාදයක් පැවැත්වෙන අතර එහි දෙසුම සඳහා සම්පත් දායකත්වය සිනමා විචාරක බූපති නලින්ගෙන්. මෙම වැඩසටහනට සම්බන්ධ වන ලෙස ඔබ සැමට ඇරියුම් කෙරෙනවා.
